په افغانستان کې په کوچنې کچه د کورنیو چرګانو روزنې لارښود

انسان سالم صحت او روعتیا لپاره د سالمې لپاره غذا ته اړتیا لری چې په دی غذا کې باید پروتین ، غوړی (شحم) ، ویټامینونه او منرالونه شامل وی. که چیری د انسان په غذا کې د ذکر شویو غذایی موادو کمښت رامنځ ته شی،نو انسانې روغتیا ته زیان رسیږی چې له امله یې انسان په ډول ډول ناروغیو اخته کیږی. نن سبا په نړۍ کې د چرګانو غوښه او هګۍ د انسانانو لپاره د غوره غذایی منابعو څخه ګڼل کیږی. د هګیو او غوښې څخه د غذایی منبع په ډول کاریدنه ورځ په ورځ ډیریږی چې لامل یې د چرګانو په لږ وخت کې لوړ تولید ، لوړ غذایی ارزښت او لږه سرمایه ده همدارنګه د هقانانو د اقتصادی پرمختګ باعث ګرځی. د چرګانو روزنه نن سبا د یو صنعت شکل غوره کړی چې اصلی هدف یی د کم ارزښته غذایی موادو (کنجاړه ، د وینی پوډر، د هډوکو پوډر ، چونه ،رشقه او داسی نور) په لوړ ارزښت موادو باندی بدلول دی.