SAHITYIK JADAN GHADAN

जीवन जगताना माणसाने गतानुगतिक पध्दतीने, सांकेतिक रीतीने जगू नये. जीवनात येणा-या अनुभवांना संवेदनशील वृत्तीने सामोरे जावे. जीवनात अनेक घडामोडी घडत असतात; त्यांचा अनुभव स्वतंत्र वृत्तीने, आपल्या आवडी-निवडीनुसार घ्यावा. असे केले तर जीवनातील एरवी साधे, सरळ, सांकेतिक वाटणारे अनुभवसुद्ध्दा नवनव्या संवेदना, नवनवे जीवनार्थ, नवनवे चिंतन देऊन जातात....परिणामी आपण नेहमीच्या सांकेतिक, सरळ, सोप्या, साध्या जीवनातसुध्दा अनुभव-समृध्द होऊन जातो. याची एकदा सवय झाली की, आपण तथाकथित चाकोरीतील जीवनातही अनुभवसमृध्द बनतो...यासाठीच ललित आणि चिंतनशील साहित्याचे वाचन आणि मनन केले पाहिजे..तरच आपले जीवन विविध सौंदर्यांने संपन्न होऊ शकेल...