Liefde op 'n skinkbord (Afrikaans Edition)

Zoë en Suzelle soek troumans wat aan hul streng vereistes voldoen. Die vereistes sluit onder meer in: ’n gevestigde beroep, goeie maniere, hoë morele standaarde en geen skuld nie.
Helgaard, ’n aantreklike adonis, kom toevallig een middag tot hul redding met ’n saamrygeleentheid toe hul eie motor stukkend is. Zoë wonder of hy nie dalk “die een” is nie. Sy status as kelner diskwalifiseer hom egter dadelik as moontlike trouman, want Zoë en Suzelle is allergies vir armoede.
Zoë ignoreer die gevoel wat Helgaard in haar wakker maak en soek steeds na aanvaarbare troukandidate ... Maar van wanneer af steur die liefde hom aan ’n voorgeskrewe lysie?